Partai

Ing prapatan dalan Gondokusuman ing kutha Jogja, Parmin lan Parman (kekarone jeneng sesinglon) sing padinane minangka tukang becak, kaya ing awan kuwi padha ndomblong nonton parte-parte sing lagi padha kampanye. Parmin sing luwih tuwa ngejak jagongan marang Parman nganggo basa Jawa ngoko, dene sing diajak omong nganggo basa krama. Parembugan kaya ing ngisor iki.

	Parmin	Piye Dhik Parman, besuk kowe milih parte apa?
	Parman	Benjang kula badhe milih parte ingkang sae kok Kang!
	Parmin	Lho parte sing apik kuwi sing kaya ngapa?
	Parman	Nggih parte ingkang saged dipunpitados nalika sampun dados wakil kita.
	Parmin	Lho parte sing bisa dipercaya iku sing kepriye ta Dhi?
	Parman	Mekaten lho Kang, parte ingkang sae menika inggih menawi kita gadhah karibetan, piyambakipun saged merjuwangaken, lajeng boten migatosaken kepentinganipun piyambak, kadosta korupsi, boten migatosaken lingkungan, lan sanesipun.
	Parmin	Oo ngono kuwi ta. Banjur yen ana parte ngedum-dum dhuwit lan sembako kuwi ya apik Dhi?
	Parman	Nggih sae, nanging sae ingkang dipundum menika, kadosta arta lan sembako.
	Parmin	Ateges mengko bisa nyoblos parte sing ngono kuwi?
	Parman	Inggih saged nyoblos parte ingkang mekaten, nanging kedah emut lho Kang, ampun ngantos ingkang dipundumaken menika njiret dhumateng kita supados nyoblos parte menika.
	Parmin	Lha kok?
	Parman	Amargi saged kemawon, parte ingkang menika boten saged dados wakil ingkang sae tumrap kita, kadosta mbenjangipun namung luweh-luweh tumrap karibetan kita, rak malah cotho.
	Parmin	Banjur kepriye penake?
	Parman	Inggih menawi dipunparingi menapa kemawon kita tampi, nanging nyoblosipun dereng mesthi parte menika.
	Parmin	Oo ngono ta. Dadi yen ana parte saka ngendi wae menehi awake dhewe barang ditampa wae ya. Wah yen ngono aku mathuk wae karo panemumu kuwi.
	Parman	Lha menika wonten parte ingkang badhe maringi kita, mangga Kang dipuntampi kemawon.

Parmin lan Parman banjur padha nampa barang saka parte sing lagi kampanye. Kaya ing pasinaon sadurunge, para netter utawa para maos disuwun kersa ngisi ukara sing durung rampung. Tembung-tembung sing kacithak kandel minangka pancingan kanggo ngisi. Sugeng ngisi!

Undha-usuking tembung ngoko - krama kaya sing digunakake ing dhuwur

Tembung Ngoko	Krama	Krama Inggil
apik	sae	-
besuk	benjang, benjing	-
dhuwit	arta, yatra	-
percaya	pitados	-
dipercaya	dipunpitados	-
sing	ingkang	-
tampa	tampi	-

Read More

NYEMAK

Tuladha :

Mirengake pacelathon ngagem telepon wonten mandhap!

Pak Rudi       : ’’Halo!sugeng enjang.’’
Edi                  : ’’Sugeng enjang’’
Pak Rudi       : ’’Punapa leres punika Pak Agus?’’
Edi                  : ’’Oh sanes, kula putrane, punika sinten nggih?’’
Pak rudi         : ’’Pak Rudi,punapa saged matur kaliyan Pak agus?’’
Edi                  : ’’Nuwun sewu, Bapak dereng kondur, wonten kersa punapa pak?’’
Pak Rudi       : ’’Ngeten Mas, kula pesen kemawon mbenjang dinten senen tanggal 7 Agustus jam sanga, bapak dipunaturi dhateng Puskesmas Kertasana saperlu nampi pengarahan penyemprotan nyamuk demam berdarah.’’
Edi                  : ’’Senen nggih pak?’’
Pak Rudi       : ’’Inggih Mas, tulung aturaken marang Bapak. Maturnuwun Mas.’’
Edi                  : ’’Inggih Pak, sami-sami.Mangke kula aturaken.’’
Saking pacelathon wonten inggil, kita saged mangertos menawi pacelathon kaliyan tiyang langkung sepuh ngagem basa karma lan kaliyan kanca sakpantaran ngagem basa ngoko.

Read More

MICARA (GUNEMAN)

Tuladha :

Nalika bocah lagi bubar ngaso ana salah sijining bocah sing bengak-bengok.
Adi      :’’He, karepe piye iki? kelas wis  disapu ko diregeti maneh?’’
Ani      :’’Di, aku ora ngreti, kowe aja ngarani aku!’’
Adi      :’’Aku ora ngarani kowe, aku mung kepengin weruh sapa sing ngregeti.’’
Ani      :’’Lha ngapa ta, ndadak pengin weruh? koksapu maneh rak wis bar!’’
Adi      :’’Enake! Aku ki piket dina iki. Mengko yen bu Guru pirsa sapa sing didukani?’’
(Dumadaken  Bu Guru rawuh)
Bu Guru:’’Ana apa ta? kok seru-serunan olehe ngomong?’’
Ani      :’’punika lho Bu, Adi nesu amargi kelasipun dipunregeti malih. Kamangka Adi piketipun.’’
Bu Guru;’’Bocah-bocah, wis bola-bali Bu Guru ngendika, yen mbuwang regedan ing papanne.Ngene iki rak ya ngrekasakake sing piket. Nah, saiki kabeh ndungkluk, sing weruh regedan banjur age-age njupuk regedan kuwi lan buwang ing papanne.’’
Adi      :’’Maturkesuwun Bu, kula mboten perlu piket malih.’’
Bu guru:’’Ya wis, saiki diterusake pelajarane.’’
Saking pacelathon wonten inggil, kita saged mangertos menawi pacelathon kaliyan tiyang langkung sepuh ngagem basa karma lan kaliyan kanca sakpantaran ngagem basa ngoko.

Read More

Wawan Rembug (Wawancara)

Contoh :
Wawan Rebug (Boso Jowo)

Peternak

Kula           :    “Sugeng ndalu Bu Yuni?”

Bu Yuni    :    “Sugeng ndalu mas Adit. Dengaren mrene, ana kaperluan napa?”

Kula           :    “Kula badhe mewawancarai ibu . Angsal mboten Bu?”

Bu Yuni    :    “Oh, ya mboten napa-napa.”

Kula           :    “Kula nyuwun pangapunten amargi sampun ndalu kula malahan nganggu.

                                    Panjenengan kagungan usaha ternak menapa lan kados pundi mulabukanipun ngingah ternak menika?”

Bu Yuni    :    “Wekdal menika kula usaha ternak ayam potong ( broiler ) saking yahun 1990 kalih atus ekor, sakmenika tigang doso gangsal ewu ekor.

                        Mulabukanipun, kula niti priksa bilih kabetahan daging ayam warga masyarakat saben tahunipun saya mindhak, awit saking menika kula nggadahi krentek nyobi ternak ayam broiler saking sekedik, lan Alhamdulillah ngantos wekdal menika saget ngrembaka lan lumampah kanthi lancar. “

Kula           :    “Kangge ngawekani lan nyegah penyakitipun, kados pundi bab tedanipun lan obat-obatanipun?”

Bu Yuni    :    “Pangopenipun dipun paringaken kandang piyambak, kandang menika kedah dipun resiki pendak dintenipun lan dipun semprot ngagem desinfektan supados kandang wau steril.

                        Masalah pakan, kedah dipun titi priksa lan dipun paring nutrisi ingkang sae.

                        Babagan oabt-obatan kedah rutin, obat saha tedanipun mundut saking poutry saha saking pabrik.”

Kula           :    “Pikantuk pembinaan saking pundi?”

Bu Yuni   :    “Pembinaan sampun mlampah kanthi sae, saking Dinas Peternakan dan Perikanan Kab. Sragen, UPTD Peternakan Kecamatan Kedawung saha saking PPL.”

Kula           :    “Ngingah ternak menapa kemawon ingkang saget dipun pendet hasilipun?”

Bu Yuni    :  “Ingkang saget dipun pendet hasilipun  : dagingipun kagem peningkatan gizi keluarga, limbahipun (kotoran ayam) inggih saget kagem pupuk organik.”

Kula           :                “Pemsaranipun dateng pundi ? Lan hasil ternak menika sisa hasilipun kados pundi ?”

Bu Yuni    :    “Pemasaranipun kajaba dateng pasar ( masyarakat lokal Sragen ), ayam kala wau dipun puruki pembeli saking Surabaya, Solo, ugi daerah-daerah sekitar Kabupaten Sragen .

                        Hasilipun Alhamdulillah saget nyekapi kebutuhan kaluarga.”

Kula           :    “Menapa wonten kendala ? Kados pundi ingkang ngawekani ?”

Bu Yuni    :    “Biasanipun bilih mangsa ketiga kenging penyakit ngorok utawi pilek, kagem ngawekani dipun paring obat. “

Kula           :    “Menapa mupangatipun dateng kaluarga lan taggi tepalih?”

Bu Yuni    :    “Dateng kaluarga antawisipun saget ningkataken perekonomian keluarga.

                        Dateng tetanggi para tetanggi saget sinau kados pundi caranipun ngingah utawi usaha ayam broiler, sak menika para tetanggi katah ingkang ngingah ayam broiler.”

Kula           :    “Rancangan menapa ingkang badhe dipun tindakaken supados ternak panjenengan saya majeng malih ?”

Bu Yuni    :    “Nambah ternak ingkang sampun wonten, dipun tambah ngingah ayam petelur. Menapa malih menika sae lan permintaan samsoyo katah.”

Kula           :    “Matur suwun sanget nggih Bu amargi angsal mewawancarai Ibu.”

Bu Yuni    :    “O ya, menawa kagungan pernu mrene maneh ya Mas!”

Kula           :    “Inggih Bu.Sugeng  ndalu.”

Read More